ഉണ്ണിയപ്പം
- പച്ചരി : 1 1/2 കപ്പ്‌
- ശർക്കര : 300 ഗ്രാം
- ചോറ് : 1 സ്പൂൺ
- ഏലക്ക : 10 എണ്ണം തൊലി കളഞ്ഞത്
- ജീരകം : 1/2 സ്പൂൺ
- ചെറുപഴം : 2 എണ്ണം
- തേങ്ങ : ചെറിയ രണ്ട് കഷണം
- വെളിച്ചെണ്ണ : 500 ഗ്രാം
പാകം ചെയ്യുന്ന വിധം
- പച്ചരി 4 മണിക്കൂർ വെള്ളത്തിൽ ഇട്ട് കുതിർത്ത് എടുക്കാം.
- കുതിർത്തെടുത്ത അരി മിക്സി ജാറിലേക്ക് ഇടാം.
- ഇതിലേക്ക് ചോറ്, തൊലി കളഞ്ഞ ഏലക്ക, ജീരകം, ഉരുക്കിയ ശർക്കര പാനി എന്നിവ ചേർത്ത് ചെറിയ തരിയോടെ അരച്ചെടുക്കാം.
- ഇനി ചെറുപഴം കൂടി അടിച്ചു ചേർത്ത് നന്നായി ഇളക്കി 6 മണിക്കൂർ വയ്ക്കാം.
- തേങ്ങ ചെറുതായി കനം കുറച്ച് അരിഞ്ഞ് എണ്ണയിൽ മൂപ്പിച്ച് എടുക്കാം.
- മൂപ്പിച്ച തേങ്ങ മാവിലേക്ക് ഇട്ട് നന്നായി ഇളക്കാം.
- ചട്ടിയിൽ വെളിച്ചെണ്ണ ഒഴിച്ച് ചൂടാക്കാം.
- ചൂടായ എണ്ണയിലേക്ക് മാവ് ഒഴിച്ച് ഉണ്ണിയപ്പം ചുട്ടെടുക്കാം.