ചില്ലി സോയ
- സോയ : 200 ഗ്രാം
- ഇഞ്ചി : ചെറിയ കഷണം
- വെളുത്തുള്ളി : 6 അല്ലി
- മുളകുപൊടി : 1 1/2 സ്പൂൺ
- കുരുമുളകുപൊടി : 1 സ്പൂൺ
- ഉപ്പ് : പാകത്തിന്
- തൈര് : 1 തവി
- മൈദ : 1/2 കപ്പ്
- വെളിച്ചെണ്ണ : 150 ഗ്രാം
- സവാള : 1 ചെറുത്
- പച്ചമുളക് : 2 എണ്ണം
- ക്യാപ്‌സിക്കം : 1 എണ്ണം
- തക്കാളി : 1 എണ്ണം
- തക്കാളി സോസ് : 1 സ്പൂൺ
- സോയ സോസ് : 1 സ്പൂൺ
- വെള്ളം : 1/4 കപ്പ്
പാകം ചെയ്യുന്ന വിധം
- ഒരു പാത്രത്തിൽ പുഴുങ്ങി പിഴിഞ്ഞ് എടുത്ത സോയ ഇടാം.
- ഇതിലേക്ക് ഇഞ്ചി വെളുത്തുള്ളി ചതച്ചത്, മുളകുപൊടി ഒരു സ്പൂൺ, കുരുമുളകുപൊടി 1/2 സ്പൂൺ, പാകത്തിന് ഉപ്പ്, തൈര്, മൈദ,ഒരു സ്പൂൺ വെളിച്ചെണ്ണ എന്നിവ ചേർത്ത് ഇളക്കി ഒരു 15 മിനിറ്റ് വയ്ക്കാം.
- ഒരു പാനിൽ വെളിച്ചെണ്ണ ഒഴിച്ച് അതിലേക്ക് സോയ വറത്തെടുക്കാം.
- ഒരു പാനിൽ വെളിച്ചെണ്ണ ഒഴിച്ച് ഇഞ്ചി, വെളുത്തുള്ളി ചെറുതായി അരിഞ്ഞ് ഇട്ട് ഇളക്കി കൊടുക്കാം.
- ഇതിലേക്ക് സവാള, പച്ചമുളക് എന്നിവ ഇട്ട് വയറ്റിയ ശേഷം ക്യാപ്‌സിക്കവും തക്കാളിയും ചേർത്ത് ഇളക്കാം.
- ഇനി മുളകുപൊടി, കുരുമുളകുപൊടി,പാകത്തിന് ഉപ്പ്,തക്കാളി സോസ്, സോയ സോസ് ഇവ ഒഴിച്ച് ഇളക്കാം.
- ഇനി വറത്തു വച്ചിരിക്കുന്ന സോയ ഇട്ട് കൊടുത്തു പാകത്തിന് വെള്ളവും ഒഴിച്ച് നല്ലതുപോലെ ഇളക്കി എടുക്കാം.