ബീഫ് കറി
- ബീഫ് : 1 കിലോ ഗ്രാം
- സവാള : 4 എണ്ണം
- പച്ചമുളക് : 2 എണ്ണം
- മഞ്ഞൾപൊടി : 1/4 സ്പൂൺ
- കുരുമുളകുപൊടി : 1/2 സ്പൂൺ
- ഉപ്പ് : പാകത്തിന്
- കറിവേപ്പില : 1 തണ്ട്
- ഇഞ്ചി : ചെറിയ കഷണം
- വെളുത്തുള്ളി : 4 അല്ലി
- വെളിച്ചെണ്ണ : 4 സ്പൂൺ
- വെള്ളം : ആവിശ്യത്തിന്
- തക്കോലം : 1 എണ്ണം
- പട്ട : ചെറിയ രണ്ട് കഷണം
- ഗ്രാമ്പു : 15 എണ്ണം
- കുരുമുളക് : 1 സ്പൂൺ
- പെരുംജീരകം : 1 1/2 സ്പൂൺ
- മല്ലി : 4 സ്പൂൺ
- മുളകുപൊടി : 1 സ്പൂൺ
- തക്കാളി : 2 എണ്ണം
പാകം ചെയ്യുന്ന വിധം
- കഴുകി വൃത്തി ആക്കി വച്ചിരിക്കുന്ന ബീഫ് കുക്കറിലേക്ക് ഇടാം.
- ഇതിന്റെ കൂടെ രണ്ട് സവാള നീളത്തിൽ അരിഞ്ഞത്, പച്ചമുളക്,മഞ്ഞൾപൊടി, കുരുമുളകുപൊടി,പാകത്തിന് ഉപ്പ്, കറിവേപ്പില, ഒരു സ്പൂൺ ഇഞ്ചി വെളുത്തുള്ളി ചതച്ചത്, ഒരു സ്പൂൺ വെളിച്ചെണ്ണ ഇവയെല്ലാം ഇട്ട് കുറച്ച് വെള്ളം തളിച്ച് ഇളക്കാം.
- എട്ട് വിസിൽ അടിക്കുന്ന വരെ അടച്ച് വേവിച്ചെടുക്കാം.
- ഇനി മസാല തയാറാക്കാം.
- ഒരു പാനിൽ തക്കോലം, പട്ട, ഗ്രാമ്പു, കുരുമുളക്,പെരുംജീരകം, മല്ലി ഇവയെല്ലാം ഒന്ന് വറത്തെടുക്കാം.
- ഇതിന്റെ കൂടെ മുളകുപൊടി ചേർത്ത് ഒന്നുകൂടി വറത്ത് പൊടിച്ച് എടുക്കാം.
- ഒരു പാനിലേക്ക് രണ്ട് സ്പൂൺ വെളിച്ചെണ്ണ ഒഴിച്ച് സവാളയും ഇഞ്ചി വെളുത്തുള്ളി ചതച്ചത് ഇട്ട് ഇളക്കാം.
- സവാള വാടി വരുമ്പോൾ തക്കാളിയും പൊടിച്ചെടുത്ത മസാലയും ചേർത്ത് ഇളക്കാം.
- ശേഷം അടപ്പ് വച്ച് അടച്ച് വേവിക്കാം.
- ഇനി വേവിച്ചു വച്ചിരിക്കുന്ന ബീഫ് ഈ അരപ്പിലേക്ക് ഇട്ട് നന്നായി ഇളക്കി വെള്ളം പറ്റിച്ചു എടുക്കാം.