പൊതിച്ചോർ
ഉരുളകിഴങ്ങ് മെഴുക്കുവരട്ടി
- ഉരുളകിഴങ്ങ് : 2 വലുത്
- കൊച്ചുള്ളി : 8 എണ്ണം
- വറ്റൽ മുളക് : 5 എണ്ണം
- കറിവേപ്പില : 1 തണ്ട്
- വെളിച്ചെണ്ണ : 2 സ്പൂൺ
- മഞ്ഞൾപൊടി : 1/4 സ്പൂൺ
- മുളകുപൊടി : 1/2 സ്പൂൺ
- ഉപ്പ് : പാകത്തിന്
പാകം ചെയ്യുന്ന വിധം
- ഒരു പാനിൽ വെളിച്ചെണ്ണ ഒഴിച്ച് കൊച്ചുള്ളിയും വറ്റൽ മുളകും ചതച്ചതും കറിവേപ്പില എന്നിവ ചേർത്ത് വയറ്റാം.
- ഇതിലേക്ക് മുളകുപൊടി, മഞ്ഞൾ പൊടി ഇട്ട് ഒന്നുകൂടി വയറ്റാം.
- ശേഷം ഇതിലേക്ക് ചെറുതായി അരിഞ്ഞു വച്ചിരിക്കുന്ന ഉരുളകിഴങ്ങ് ഇട്ട് പാകത്തിന് ഉപ്പും ചേർത്ത് വേവിച്ചു മാറ്റാം.
ബീറ്റ്റൂട്ട് തോരൻ
- ബീറ്റ്റൂട്ട് : 2 എണ്ണം
- സവാള : 1 എണ്ണം
- പച്ചമുളക് : 3 എണ്ണം
- തേങ്ങ : 3/4 കപ്പ്
- കറിവേപ്പില : 1 തണ്ട്
- കടുക് : 1/2 സ്പൂൺ
- വെളിച്ചെണ്ണ : 2 സ്പൂൺ
പാകം ചെയ്യുന്ന വിധം
- ഒരു പത്രത്തിൽ ചെറുതായി അരിഞ്ഞു വച്ചിരിക്കുന്ന ബീറ്റ്റൂട്ട്, സവാള, പച്ചമുളക്, കറിവേപ്പില, തേങ്ങ എന്നിവ ചേർത്ത് ഇളക്കി വയ്ക്കാം.
- ഇനി ഒരു പാനിലേക്ക് വെളിച്ചെണ്ണ ഒഴിച്ച് കടുക് ഇടാം.
- കടുക് പൊട്ടി വരുമ്പോൾ ഇളക്കി വച്ചിരിക്കുന്ന ബീറ്റ്റൂട്ട് പാനിലേക്ക് ഇട്ട് കൊടുക്കാം.
- നന്നായി ഇളക്കിയ ശേഷം അടച്ചു വേവിച്ചു മാറ്റി വയ്ക്കാം.
മീൻ വറുത്തത്
- മീൻ : 6 എണ്ണം
- കൊച്ചുള്ളി : 8 എണ്ണം
- വെളുത്തുള്ളി : 4അല്ലി
- കറിവേപ്പില : 2 തണ്ട്
- പച്ചമുളക് : 2 എണ്ണം
- ഇഞ്ചി : ചെറിയ കഷണം
- വെളിച്ചെണ്ണ : 4 സ്പൂൺ
- മുളകുപൊടി : 1/2 സ്പൂൺ
- മഞ്ഞൾപൊടി : 1/4 സ്പൂൺ
- ഉപ്പ് : പാകത്തിന്
- നാരങ്ങ : 1/2 മുറി
പാകം ചെയ്യുന്ന വിധം
- കൊച്ചുള്ളി, ഇഞ്ചി, വെളുത്തുള്ളി, പച്ചമുളക്, കറിവേപ്പില എന്നിവ ചതച്ച് മാറ്റി വയ്ക്കാം.
- ചതച്ചതിൽ മഞ്ഞൾപൊടി, മുളകുപൊടി പാകത്തിന് ഉപ്പ്, നാരങ്ങ എന്നിവ ചേർത്ത് കുഴച്ചു മീനിൽ പുരട്ടി 5 മിനിറ്റ് വയ്ക്കാം.
- ശേഷം ഒരു പാനിൽ വെളിച്ചെണ്ണ ഒഴിച്ച് ചൂടാകുമ്പോൾ കറിവേപ്പില ഇട്ട് പുരട്ടി വച്ചിരിക്കുന്ന മീൻ വറുത്ത് എടുക്കാം.
ചമ്മന്തി
- തേങ്ങ : 1 കപ്പ്
- വറ്റൽ മുളക് : 8 എണ്ണം
- കൊച്ചുള്ളി : 8 എണ്ണം
- ഇഞ്ചി :ചെറിയ കഷണം
- കറിവേപ്പില : 2 തണ്ട്
- വാളൻ പുളി : ചെറിയ കഷണം
- ഉപ്പ് : പാകത്തിന്
- വെളിച്ചെണ്ണ : 1 സ്പൂൺ
പാകം ചെയ്യുന്ന വിധം
- ഒരു പാനിൽ വെളിച്ചെണ്ണ ഒഴിച്ച് വറ്റൽ മുളക് കരിയാതെ വറത്ത് എടുക്കാം.
- ഇത് മിക്സി ജാറിൽ ഇട്ട് അതിലേക്കു കൊച്ചുള്ളി, ചെറുതായി അരിഞ്ഞ ഇഞ്ചി,കറിവേപ്പില, തേങ്ങ, വാളൻ പുളി, പാകത്തിന് ഉപ്പും ചേർത്ത് മിക്സിയിൽ അടിച്ചു എടുക്കാം.
മുട്ട പൊരിച്ചത്
- മുട്ട : 2 എണ്ണം
- കൊച്ചുള്ളി : 5 എണ്ണം
- പച്ചമുളക് : 2 എണ്ണം
- കറിവേപ്പില : 1 തണ്ട്
- വെളിച്ചെണ്ണ : 1 സ്പൂൺ
പാകം ചെയ്യുന്ന വിധം
- ഒരു പാത്രത്തിൽ ചെറുതായി അരിഞ്ഞ കൊച്ചുള്ളി, കറിവേപ്പില, പച്ചമുളക് എന്നിവ ഇടാം.
- അതിലേക്ക് മുട്ട പൊട്ടിച്ചു ഒഴിച്ച് പാകത്തിന് ഉപ്പും ചേർത്ത് നല്ലപോലെ അടിച്ചെടുക്കാം.
- ഇനി ഒരു പാനിൽ വെളിച്ചെണ്ണ ഒഴിച്ച് മുട്ട അതിലേക്ക് ഒഴിച്ച് കൊടുക്കാം.
- മുട്ട ഒന്ന് മറിച്ചിട്ടു വേവിച്ചു എടുക്കാം.
പൊതിച്ചോർ കെട്ടുന്ന വിധം
- വാഴയില വെട്ടി നന്നായി കഴുകി തീയിൽ വാട്ടി എടുക്കാം.
- ഇതിലേക്ക് ചോറ് ഇട്ട് പാകം ചെയ്യ്തു വച്ചിരിക്കുന്ന ഉരുളകിഴങ്ങ് മെഴുക്കുവരട്ടി, ബീറ്റ്റൂട്ട് തോരൻ, ചമ്മന്തി, മീൻ വറുത്തത്, മുട്ട പൊരിച്ചത്, അച്ചാർ എന്നിവ വയ്ക്കാം.
- എല്ലാം കറികളും വച്ച ശേഷം പൊതി കെട്ടി എടുക്കാം.