ആവോലി മീൻ കറി
- ആവോലി മീൻ : 1kg
- തേങ്ങ ചിരകിയത് : 1½ കപ്പ്‌
- ചുവന്നുള്ളി : 5/6 എണ്ണം
- പച്ചമുളക് : 3
- മഞ്ഞൾപൊടി : ¼ സ്പൂൺ
- മുളകുപൊടി : 1 സ്പൂൺ
- മല്ലിപ്പൊടി : ½ സ്പൂൺ
- പുളി : 4 എണ്ണം
- തക്കാളി : 1 എണ്ണം
- കറിവേപ്പില : 3 തണ്ട്
- ഉപ്പ് : പാകത്തിന്
പാകം ചെയ്യുന്ന വിധം
- മീൻ വെട്ടി നന്നായി കഴുകി വൃത്തിയാക്കി വയ്ക്കാം.
- ഒരു ജാറിലേക്ക് തേങ്ങ,ചുവന്നുള്ളി,പച്ചമുളക്,മഞ്ഞൾപൊടി,മുളകുപൊടി, മല്ലിപ്പൊടി ആവശ്യത്തിന് വെള്ളവും ചേർത്ത് അരച്ചെടുക്കാം.
- അരച്ചെടുത്ത അരപ്പ് ഒരു ചട്ടിയിലേക്ക് ഒഴിച്ച് ജാറ് കഴുകി വെള്ളമൊഴിച്ച് പുളി ചേർത്ത് തക്കാളി ഇട്ടുകൊടുത്ത് കറിവേപ്പില ചേർത്ത് പാകത്തിന് ഉപ്പ് നന്നായി ഇളക്കി മീൻ ചേർത്ത് അടച്ചുവെച്ച് തിളപ്പിക്കാം.
- മീൻ നന്നായി വെന്തു തിളച്ചു പാകമാകുമ്പോൾ താളിച്ച് ഒഴിക്കാം.
- ഒരു പാനിലേക്ക് വെളിച്ചെണ്ണ ഒഴിച്ച് ചൂടാവുമ്പോൾ ചെറിയഉള്ളി,കറിവേപ്പിലയും ചേർത്ത് താളിച്ച് ചേർക്കാം.