ചിക്കൻ മഞ്ചൂരി
- ചിക്കൻ :1 kg
- ഇഞ്ചി,വെളുത്തുള്ളി ചതച്ചത് : ½ സ്പൂൺ
- വെളുത്തുള്ളി,ഇഞ്ചി ചെറുതായി അരിഞ്ഞത് : 1 സ്പൂൺ
- മുളകുപൊടി : 1 സ്പൂൺ
- ഉപ്പ് : പാകത്തിന്
- കോൺഫ്ലവർ : 1 സ്പൂൺ
- മുട്ട : 2 എണ്ണം
- എണ്ണ : ആവശ്യത്തിന്
- സവാള : 2 എണ്ണം
- സോയാസോസ് : 1 സ്പൂൺ
- ചില്ലി സോസ് : 1 സ്പൂൺ
- ടൊമാറ്റോ സോസ് : 1 സ്പൂൺ
പാകം ചെയ്യുന്ന വിധം
- ഒരു ബൗളിലേക്ക് ചിക്കൻ ഇട്ട് ഇതിലേക്ക് ഇഞ്ചി,വെളുത്തുള്ളി പേസ്റ്റ്,മുളകുപൊടി,ഉപ്പ്,കോൺഫ്ലവർ,ചേർത്ത് നന്നായി ഇളക്കി മിക്സ് ചെയ്ത് 15 മിനിറ്റ് വയ്ക്കാം.
- 15 മിനിറ്റിനു ശേഷം ഒരു പാൻ വച്ച് എണ്ണ ചൂടാക്കി ചിക്കൻ പൊരിച്ചെടുക്കാം.
- ചിക്കൻ പൊരിച്ച എണ്ണയിൽ നിന്നും കുറച്ച് എണ്ണ പാനിലേക്ക് ഒഴിച്ച് വെളുത്തുള്ളി,ഇഞ്ചി ചെറുതായി അരിഞ്ഞത് ചേർത്തിളക്കി സവാള അരിഞ്ഞത് ചേർത്ത് കൊടുക്കാം.
- സവാള വഴണ്ട് വരുമ്പോൾ സോയാസോസ്,ചില്ലി സോസ്,ടൊമാറ്റോ സോസ് ചേർത്ത് ഇളക്കി കുറച്ചു വെള്ളം ചേർത്ത് ആവശ്യത്തിന് ഉപ്പ് ചേർത്ത് കൊടുക്കാം.
- നന്നായി തിളച്ചു വരുമ്പോൾ ¼ കപ്പ് വെള്ളത്തിൽ കോൺഫ്ലവർ കലക്കിയത് ഒഴിച്ചു കൊടുക്കാം.
- ഗ്രേവി നല്ല പാകമാകുമ്പോൾ വറുത്തു വെച്ച ചിക്കൻ ചേർത്ത് നന്നായി ഇളക്കി മല്ലിയില ചേർത്ത് എടുക്കാം.