ചക്കയും മത്തിക്കറിയും
മത്തി കറി
- മത്തി : 1 kg
- ചെറിയുള്ളി : ½ കപ്പ്
- ഇഞ്ചി,വെളുത്തുള്ളി : 1സ്പൂൺ
- ഉലുവ : ¼ സ്പൂൺ
- പച്ചമുളക് : 4 എണ്ണം
- തക്കാളി : 1 എണ്ണം
- കറിവേപ്പില : 3 തണ്ട്
- മുളകുപൊടി : 2 സ്പൂൺ
- മഞ്ഞപ്പൊടി : ¼ സ്പൂൺ
- കുടംപുളി : 3 എണ്ണം
- ഉപ്പ് : പാകത്തിന്
- വെളിച്ചെണ്ണ : ആവശ്യത്തിന്
പാകം ചെയ്യുന്ന വിധം
- ചട്ടിയിലേക്ക് വെളിച്ചെണ്ണ ഒഴിച്ച് ഉലുവ ചേർത്ത് കൊടുക്കാം.
- ഉലുവ മൂത്ത വരുമ്പോഴേക്കും ഇഞ്ചി വെളുത്തുള്ളി ചതച്ചത് ചെറിയുള്ളിയും ചേർത്തു കൊടുക്കാം.
- ചെറിയുള്ളി വാടി വരുമ്പോൾ പച്ചമുളക്,തക്കാളിയും ചേർത്ത് ഇളക്കി കറിവേപ്പില ചേർത്ത് കൊടുക്കാം.
- 2 സ്പൂൺ മുളകുപൊടി,മഞ്ഞൾപ്പൊടി ചേർത്ത് ഇളക്കി പുളി ചേർത്തുകൊടുത്ത് ആവശ്യത്തിന് വെള്ളം പാകത്തിന് ഉപ്പും ചേർത്ത് അടച്ചുവെച്ച് തിളപ്പിക്കാം.
- ഗ്രേവി നന്നായി തിളപ്പിച്ച് മത്തി ചേർത്ത് വീണ്ടും അടച്ചുവെച്ച് വേവിക്കാം.
- മീൻ കറി പാകമായാൽ കറിവേപ്പിലയും പച്ചവെളിച്ചെണ്ണയും ഒഴിച്ച് വാങ്ങി വയ്ക്കാം.
ചക്ക വേവിച്ചത്
- ചക്ക : ½ മുറി
- തേങ്ങ : ½ മുറി
- പച്ചമുളക് : 4 എണ്ണം
- ജീരകം : ½ സ്പൂൺ
- വെളുത്തുള്ളി : 4/5 അല്ലി
- കറിവേപ്പില : 3 തണ്ട്
- ഉപ്പ് : പാകത്തിന്
പാകം ചെയ്യുന്ന വിധം
- ചെറുതായി അരിഞ്ഞ ചക്ക ഒരു പാത്രത്തിലേക്ക് ഇട്ടുകൊടുത്ത് പാകത്തിന് ഉപ്പ് ചേർത്ത് കുറച്ചു വെള്ളം തളിച്ച് അടച്ചുവെച്ച് വേവിക്കാം.
- തേങ്ങ ചിരകിയത്,പച്ചമുളക്,ജീരകം,വെളുത്തുള്ളിയും ചേർത്ത് അരച്ച അരപ്പ്,കറിവേപ്പിലയും ചക്കയിലേക്ക് ചേർത്ത് അടച്ചു വയ്ക്കാം.
- ചക്ക വെന്തതിനുശേഷം നന്നായി ഇളക്കി ഉടച്ചെടുക്കാം.