ചിക്കൻ കറി ഫ്രൈഡ് റൈസ്
ചിക്കൻ കറി
- ചിക്കൻ : 1 kg മഞ്ഞൾപൊടി : ½ സ്പൂൺ
- ചിക്കൻ മസാല : 2 ½ സ്പൂൺ
- ഗരം മസാല : 1½ സ്പൂൺ
- മുളകുപൊടി : 3 സ്പൂൺ
- ഉപ്പ് : പാകത്തിന്
- വെള്ളം : ആവശ്യത്തിന്
- വെളിച്ചെണ്ണ : ആവശ്യത്തിന്
- സവോള : 4 എണ്ണം
- ഇഞ്ചി,വെളുത്തുള്ളി,പച്ചമുളക് ചതച്ചത് : 1½ സ്പൂൺ
- കറിവേപ്പില : 1 തണ്ട്
- തക്കാളി : 2 എണ്ണം
- അണ്ടിപ്പരിപ് : 200 gm അരച്ചത്
- മല്ലിയില : ആവശ്യത്തിന്
ഫ്രൈഡ് റൈസ്
- അരി : ½ kg
- വെള്ളം : ആവശ്യത്തിന്
- തക്കോലം : 1 എണ്ണം
- ഗ്രാമ്പു : 4 എണ്ണം
- ഏലക്ക : 5 എണ്ണം
- കറുവപ്പട്ട : 3 എണ്ണം
- പെരുംജീരകം : 1 സ്പൂൺ
- നാരങ്ങാനീര് : 1 സ്പൂൺ
- സവോള : 1½ മുറി
- നെയ്യ് : 2 സ്പൂൺ
- അണ്ടിപ്പരിപ്പ് : 50 gm
- മുന്തിരി : 50 gm
- ക്യാരറ്റ് : ½ കപ്പ്
- പച്ച ഗ്രീൻപീസ് : ½ കപ്പ്
- ക്യാപ്സിക്കം :1 എണ്ണം
- ബിരിയാണി എസൻസ് : ആവശ്യത്തിന്
പാകം ചെയ്യുന്ന വിധം
- 1kg ചിക്കനിലേക്ക് ¼ സ്പൂൺ മഞ്ഞൾപൊടി,½ സ്പൂൺ ചിക്കൻ മസാല,½ സ്പൂൺ ഗരം മസാല,1 സ്പൂൺ മുളകുപൊടി,പാകത്തിന് ഉപ്പും ചേർത്ത് കുറച്ചു വെള്ളം തളിച്ച് മസാല പുരട്ടി അരമണിക്കൂർ വയ്ക്കാം.
- ½ മണിക്കൂർ കഴിഞ്ഞ് ചിക്കൻ വറുത്ത് കോരി എടുക്കാം.
- ചിക്കൻ വറുത്ത എണ്ണയിലേക്ക് ചിക്കന്റെ ഗ്രേവി തയ്യാറാക്കാൻ സവാള അരിഞ്ഞത് ചേർത്ത് ഉപ്പും ചേർത്ത് കൊടുക്കാം സവാള വാടി വരുമ്പോൾ ഇഞ്ചി വെളുത്തുള്ളി പച്ചമുളക് ചതച്ചത് കറിവേപ്പിലയും തക്കാളിയും ചേർത്ത് ഇളക്കി അടച്ചു വയ്ക്കാം.
- 5 മിനിറ്റ് കഴിഞ്ഞ് തുറന്ന് ഇളക്കി ¼ സ്പൂൺ മഞ്ഞൾപൊടി,2 സ്പൂൺ മുളകുപൊടി,2സ്പൂൺ ചിക്കൻ മസാല,1 സ്പൂൺ ഗരം മസാലയും ചേർത്തിളക്കി ആവശ്യത്തിന് വെള്ളം ഒഴിച്ചുകൊടുത്ത് അടച്ചു വയ്ക്കാം.ഗ്രേവി തയ്യാറാക്കുമ്പോൾ വറുത്തു വച്ചിരിക്കുന്ന ചിക്കൻ അതിലേക്ക് ചേർത്തുകൊടുത്ത് ഇളക്കി അരച്ചു വെച്ചിരിക്കുന്ന അണ്ടിപ്പരിപ്പ്, മല്ലിയിലയും ചേർത്തു കൊടുക്കാം.
റൈസ് തയ്യാറാക്കുന്ന വിധം
- ഒരു പാത്രത്തിൽ വെള്ളം വെച്ച് അതിലേക്ക് തക്കോലം,ഏലക്ക, പെരുഞ്ചീരകം, കറുവപ്പട്ട,ഗ്രാമ്പൂ,ഒരു സ്പൂൺ നാരങ്ങാനീരും ½ മുറി സവാള അരിഞ്ഞതും ചേർത്ത് അടച്ചുവെച്ച് തിളപ്പിച്ച് കഴുകിവച്ച അരി ചേർത്തു കൊടുക്കാം.
- റൈസ് വെന്ത ശേഷം വെള്ളം ഊറ്റി വെക്കാം.ഒരു പാനിലേക്ക് നെയ്യ് ഒഴിച്ചുകൊടുത്ത് അണ്ടിപരുപ്പ്,മുന്തിരി,1 സവോളയും വറുത് കോരിഎടുക്കാം.
- വീണ്ടും 1 സൂപൺ നെയ്യ് ഒഴിച്ച് അറിഞ്ഞ് വെച്ചിരിക്കുന്ന ക്യാരറ്റ്,പച്ചപട്ടാണി,ക്യാപസ്സികം വയട്ടി അതിന്റെ മുകളിലേക്ക് റൈസ് ഇട്ടുകൊടുത്ത് ബിരിയാണി എസൻസ് ഒഴിച്ച് വറുത്ത അണ്ടിപരുപും മുന്തിരിയും ഇട്ടുകൊടുത്ത് മുകളിലായി സവോള വറുത്തതും മല്ലിയിലയും ഇട്ട് കൊടുക്കാം.