മുട്ടക്കറി
- മുട്ട : 4 എണ്ണം
- വെളിച്ചെണ്ണ : ആവശ്യത്തിന്
- ഇഞ്ചി,വെളുത്തുള്ളി ചതച്ചത് : 1 സ്പൂൺ
- സവാള : 3 എണ്ണം
- പച്ചമുളക് : 3 എണ്ണം
- കറിവേപ്പില : 3 തണ്ട്
- തക്കാളി : 2 എണ്ണം
- ഉരുളക്കിഴങ്ങ് : 2 എണ്ണം
- മഞ്ഞൾപ്പൊടി : ¼ സ്പൂൺ
- മുളകുപൊടി : ½ സ്പൂൺ
- മല്ലിപ്പൊടി : 2 സ്പൂൺ
- ഗരംമസാല : 1 സ്പൂൺ
- കുരുമുളകുപൊടി : ½ സ്പൂൺ
- ഉപ്പ് : പാകത്തിന്
- ഒന്നാം പാൽ : ½ കപ്പ്
- രണ്ടാം പാൽ : 1 കപ്പ്
- കടുക് : ½ സ്പൂൺ
- ചുവന്നുള്ളി : 2 എണ്ണം
- വറ്റൽ മുളക് : 4/5 എണ്ണം
പാകം ചെയ്യുന്ന വിധം
- ഒരു ചീനച്ചട്ടിയിലേക്ക് എണ്ണ ഒഴിച്ചു കൊടുത്ത് ഇഞ്ചി,വെളുത്തുള്ളി ചതച്ചതും ചേർത്തു കൊടുക്കാം.മൂത്ത വരുമ്പോൾ സവാള അരിഞ്ഞതും ചേർത്ത് ഇളക്കി 3 പച്ചമുളക് കീറിയതും കറിവേപ്പിലയും ചേർത്ത് തക്കാളി ഇട്ട് ഇളക്കി പുഴുങ്ങി വെച്ച ഉരുളക്കിഴങ്ങും ചേർത്ത് കൊടുക്കാം.
- മഞ്ഞൾപൊടി,മല്ലിപ്പൊടി,മുളകുപൊടി,മസാലപ്പൊടി,കുരുമുളകുപൊടിയും ചേർത്തു നന്നായി ഇളക്കി കൊടുത്തു പാകത്തിന് ഉപ്പും ചേർത്ത് രണ്ടാം പാൽ ഒഴിച്ച് ഇളക്കി അടച്ചു വയ്ക്കാം.
- 5/10 മിനിറ്റ് കഴിഞ്ഞ് മൂടി തുറന്നു ഇളക്കി മുട്ട പുഴുങ്ങിയതും ചേർത്ത് കൊടുക്കാം.ഒന്നാംപാൽ ചേർത്ത് ചൂടാക്കി വാങ്ങിവെച്ച് കടുക് പൊട്ടിച്ച് ചേർക്കാം.
- എണ്ണ ചൂടാക്കി കടുകിട്ടുകൊടുത്ത് ചുവന്നുള്ളി,വറ്റൽമുളകും കറിവേപ്പിലയും ചേർത്ത് താളിച്ചു കറിയിലേക്ക് ചേർത്തു കൊടുക്കാം.