ഇസി ചിക്കൻ കറി
- ചിക്കൻ : 1kg
- വെളിച്ചെണ്ണ : 2 ടേബിൾ സ്പൂൺ
- ഇഞ്ചി വെളുത്തുള്ളി ചതച്ചത് : 1 സ്പൂൺ
- സവാള : 3 എണ്ണം
- ഉപ്പ് : പാകത്തിന്
- പച്ചമുളക് : 3 എണ്ണം
- തക്കാളി : 2 എണ്ണം
- കറിവേപ്പില : 3 തണ്ട്
- മഞ്ഞൾപ്പൊടി : ¼ സ്പൂൺ
- മല്ലിപ്പൊടി : 1 സ്പൂൺ
- മുളകുപൊടി : 2 സ്പൂൺ
- ചിക്കൻ മസാല : 2 സ്പൂൺ
- കുരുമുളകുപൊടി : 1 സ്പൂൺ
- വെള്ളം : ആവശ്യത്തിന്
പാകം ചെയ്യുന്ന വിധം
- ഒരു കടയിലേക്ക് എണ്ണ ഒഴിച്ചുകൊടുത്ത് ഇഞ്ചി വെളുത്തുള്ളി ചതച്ചതും ചേർത്ത് സവാള അരിഞ്ഞതും ഇട്ടുകൊടുത്ത് ഇളക്കി സവാള വാടി വരുമ്പോൾ ഉപ്പ് ചേർത്തു കൊടുക്കാം.
- മൂന്ന് പച്ചമുളക് അരിഞ്ഞതും ഒരുതണ്ട് കറിവേപ്പിലയും ചേർത്ത് മഞ്ഞൾപൊടി,മല്ലിപ്പൊടി,മുളകുപൊടി,ചിക്കൻ മസാല,കുരുമുളകുപൊടിയും ചേർത്ത് ഇളക്കി തക്കാളിയും ചേർത്തു കൊടുക്കാം.
- പൊടിയുടെ പച്ചമണം മാറി ചിക്കൻ അതിലേക്ക് ഇട്ടുകൊടുത്ത് പാകത്തിന് ഉപ്പും ചേർത്ത് കൊടുക്കാം.ചിക്കനിലേക്ക് ആവശ്യത്തിന് വെള്ളം ഒഴിച്ചുകൊടുത്ത് അടച്ചുവയ്ക്കാം.
- മൂഡി തുറന്നു ഇളക്കി 15 മിനിറ്റ് വീണ്ടും അടച്ചുവെച്ച് വേവിച്ച് തീ ഓഫ് ചെയ്ത് രണ്ട് തണ്ട് കറിവേപ്പിലയും ചേർത്തു കൊടുക്കാം.