ബീഫ് മപ്പാസ്
- ബീഫ് : 1 kg
- ഉപ്പ് : പാകത്തിന്
- മഞ്ഞൾപൊടി : 1 സ്പൂൺ
- ഇഞ്ചി വെളുത്തുള്ളി ചതച്ചത് : 2 സ്പൂൺ
- പച്ചമുളക് : 6 എണ്ണം
- ഉരുളക്കിഴങ്ങ് : 2 എണ്ണം
- ചെറിയുള്ളി : 7/8 എണ്ണം
- ഗരം മസാല : 1 സ്പൂൺ
- കുരുമുളകുപൊടി : ½ സ്പൂൺ
- കറിവേപ്പില : 6 തണ്ട്
- വെള്ളം : ആവശ്യത്തിന്
- വെളിച്ചെണ്ണ : ആവശ്യത്തിന്
- സവാള : 2 എണ്ണം
- തക്കാളി : 1 എണ്ണം
- മല്ലിപ്പൊടി : 1 സ്പൂൺ
- പെരുംജീരകപ്പൊടി : ½ സ്പൂൺ
- രണ്ടാംപാൽ : 1 കപ്പ്
- ഒന്നാംപാൽ : 1 കപ്പ്
- കടുക് : 1 സ്പൂൺ
- വറ്റൽമുളക് : 5 എണ്ണം
പാകം ചെയ്യുന്ന വിധം
- ബീഫ് കുക്കറിലേക്ക് ഇട്ടുകൊടുത്ത് പാകത്തിന് ഉപ്പും ½ സ്പൂൺ മഞ്ഞൾപ്പൊടി,6പച്ചമുളക്, ഉരുളക്കിഴങ്ങ് ചെറുതായി അരിഞ്ഞത്,ചെറിയ ഉള്ളി,½ സ്പൂൺ ഗരം മസാല,½ സ്പൂൺ കുരുമുളകുപൊടി,2 തണ്ട് കറിവേപ്പിലയും ഇട്ടുകൊടുത്ത് ബീഫ് വേകുവാൻ ആവശ്യമായ വെള്ളവും ഒഴിച്ച് കൊടുത്ത് ഇളക്കി അടച്ചു വെച്ച് വേവിക്കാം.
- ബീഫിന്റെ വേവ് അനുസരിച്ച് വിസിൽ ഇട്ടു കൊടുത്താൽ മതി.ഒരു പാത്രത്തിലേക്ക് വെളിച്ചെണ്ണ ഒഴിച്ചു കൊടുത്തു രണ്ട് സവോള അരിഞ്ഞത് ചേർത്ത് ഇഞ്ചി വെളുത്തുള്ളി ചതച്ചതും ഇട്ടുകൊടുത്ത് ഇളക്കി തക്കാളിയും ചേർത്തു കൊടുക്കാം.
- പാകത്തിന് ഉപ്പ്,¼ സ്പൂൺ മഞ്ഞൾപ്പൊടി,1സ്പൂൺ മല്ലിപ്പൊടി,കുരുമുളകുപൊടി, പെരുംജീരകപ്പൊടിയും ചേർത്ത് ഇളക്കി വേവിച്ചുവെച്ച ബീഫ് അതിലേക്ക് ചേർത്ത് കൊടുത്ത് രണ്ടാം പാൽ ഒഴിച്ച് നന്നായി തിളപ്പിച്ച് കുറച്ചൊന്നു പറ്റി വരുമ്പോൾ ഒന്നാം പാൽ ചേർത്ത് കൊടുത്ത് ഇളക്കി കടു പൊട്ടിച്ച് ഇടണം.
- ഒരു പാനിൽ എണ്ണ ഒഴിച്ച് കടുക്, വറ്റൽമുളക്, കറിവേപ്പിലയും താളിച്ച് കറിയിലേക്ക് ചേർത്തു കൊടുക്കാം.