കപ്പയും മത്തിക്കറിയും
മത്തിക്കറി
- മത്തി : 1 kg
- മുളകുപൊടി : 3 ടേബിൾ സ്പൂൺ
- മല്ലിപ്പൊടി : 1 സ്പൂൺ
- മഞ്ഞൾപ്പൊടി : ¼ സ്പൂൺ
- ഉലുവാപ്പൊടി : ¼ സ്പൂൺ
- വെള്ളം : ആവശ്യത്തിന്
- വെളിച്ചെണ്ണ : 2 ടേബിൾ സ്പൂൺ
- ഇഞ്ചി വെളുത്തുള്ളി : 1സ്പൂൺ
- കറിവേപ്പില : 3 തണ്ട്
- പുളി : 4/5 എണ്ണം
പാകം ചെയ്യുന്ന വിധം
- മീൻ കറിയിൽ ചേർക്കാനുള്ള അരപ്പ് തയ്യാറാക്കാം.
- മൂന്നു സ്പൂൺ മുളകുപൊടി, മല്ലിപ്പൊടി, മഞ്ഞൾപ്പൊടി, ഉലുവാപ്പൊടി, വെള്ളവും ചേർത്ത് ഇളക്കിപ്പെരട്ടി വെക്കാം.
- ഒരു ചട്ടിയിൽ എണ്ണ ചൂടാക്കി ചതച്ചു വച്ചിരിക്കുന്ന ഇഞ്ചിയും വെളുത്തുള്ളിയും ഇട്ടു കൊടുത്ത് ഇളക്കി മൂപ്പിച്ച് കറിവേപ്പിലയും പെരട്ടിവെച്ച അരപ്പും ചേർത്ത് ഇളക്കി പച്ചമണം മാറുമ്പോൾ ഗ്രേവിക്കാവശ്യമായ വെള്ളംളം ഒഴിച്ച് 4/5 പുളിയും ചേർത്ത് പാകത്തിന് ഉപ്പും ചേർത്ത് തിളപ്പിക്കാം.
- തിളച്ച ഗ്രേവിയിലേക്ക് മീനിട്ടുകൊടുത്ത് അടച്ചുവച്ച് വേവിക്കാം.
- തി ഓഫ് ചെയ്ത് മൂഡി തുറന്നു പച്ചക്കറി വേപ്പില ചേർത്ത് കുറച്ചുനേരം അടച്ചു വയ്ക്കാം.
കപ്പ വേവിച്ചത്
- കപ്പ : 1 kg
- തേങ്ങ : ½ മുറി
- പച്ചമുളക് : 4 എണ്ണം
- വെളുത്തുള്ളി : 6 അല്ലി
- മഞ്ഞൾപ്പൊടി : ¼ സ്പൂൺ
- കറിവേപ്പില : 2 തണ്ട്
- ജീരകം : ¼ സ്പൂൺ
പാകം ചെയ്യുന്ന വിധം
- അരിഞ്ഞു വച്ചിരിക്കുന്ന കപ്പ ഇട്ട് ആവശ്യത്തിന് വെള്ളവും ഒഴിച്ച് വേവിച്ചു വയ്ക്കാം.കപ്പ നന്നായി വെന്ത് കഴിഞ്ഞ് വെള്ളം ഊറ്റി കളയാം.
- കപ്പയിലേക്ക് ചേർക്കാനുള്ള അരപ്പ് തയ്യാറാക്കാം.
- അരപ്പ് തയ്യാറാക്കാൻ അര മുറി തേങ്ങ ചിരകിയത്, മഞ്ഞൾപ്പൊടി, വെളുത്തുള്ളി, പച്ചമുളക്,ജീരകവും ചേർത്ത് അരച്ച് വേവിച്ചു വെച്ചിരിക്കുന്ന കപ്പ ഒരു പാത്രത്തിലേക്ക് പകുതി ഇട്ടുകൊടുത്ത് അരച്ചു വച്ചിരിക്കുന്ന അരപ്പ് ചേർത്തു കൊടുക്കാം.
- അരപ്പിന്റെ മുകളിലേക്ക് ബാക്കി വേവിച്ചു വച്ചിരിക്കുന്ന കപ്പയും ഇട്ടുകൊടുത്ത് അടച്ചുവെച്ച് അരപ്പ് വേഗൻ വയ്ക്കാം.
- അരപ്പ് വെന്തു കഴിയുമ്പോൾ കപ്പ ഇളക്കി ഉടച്ചെടുക്കാം.