മുട്ട കറി
- മുട്ട : 5 എണ്ണം
- വെളിച്ചെണ്ണ : 2 ടേബിൾ സ്പൂൺ
- സവാള : 3 എണ്ണം
- ഇഞ്ചി വെളുത്തുള്ളി : 1 സ്പൂൺ
- പച്ചമുളക് : 4 എണ്ണം
- കറിവേപ്പില : 4 തണ്ട്
- തക്കാളി : 2 എണ്ണം
- ഉപ്പ് : പാകത്തിന്
- മല്ലിപ്പൊടി : 1 സ്പൂൺ
- മുളകുപൊടി : ½ സ്പൂൺ
- മഞ്ഞൾപ്പൊടി : ¼ സ്പൂൺ
- ഗരം മസാല : ½ സ്പൂൺ
- വെള്ളം : 1 കപ്പ്
പാകം ചെയ്യുന്ന വിധം
- നാല് മുട്ട പുഴുങ്ങി മാറ്റിവയ്ക്കാം.വെളിച്ചെണ്ണ ചൂടായതിലേക്ക് അരിഞ്ഞു വച്ചിരിക്കുന്ന സവാള ചേർത്തു കൊടുക്കുകാം.
- സവാള വാടി വരുമ്പോൾ ഇഞ്ചി വെളുത്തുള്ളി ഇട്ടുകൊടുത്ത് ഇളക്കാം.
- സവാളയിലേക്ക് നാല് പച്ചമുളക് കറിവേപ്പിലയും ചേർത്ത് കൊടുത്തു ഇളക്കി തക്കാളിയും ചേർത്ത് ഉപ്പിട്ട് ഇളക്കാം.ഒരു സ്പൂൺ മല്ലിപ്പൊടി, അര സ്പൂൺ മുളകുപൊടിയും, കാൽ സ്പൂൺ മഞ്ഞൾ പൊടിയും, അരസ്പൂൺ ഗരം മസാലയും, ചേർത്ത് ഇളക്കി പച്ചമണം മാറുമ്പോൾ ഒരു കപ്പ് വെള്ളം ചേർത്ത് അടച്ചു വച്ച് തിളപ്പിക്കാം.
- ഗ്രേവി തിളച്ചു വരുമ്പോൾ മുട്ടയിട്ട് കൊടുത്ത് ഇളക്കി എടുക്കാം.