കൂട്ടുകറി
- കടല : ¼ kg
- ചേന : 1 കപ്പ്
- വെള്ളരിക്ക : 1 കപ്പ് കറിക്കായ : 1 കപ്പ്
- ഉപ്പ : ആവശ്യത്തിന്
- മഞ്ഞൾപൊടി : ½ സ്പൂൺ മുളകുപൊടി : 1 സ്പൂൺ കുരുമുളകുപൊടി : 1 സ്പൂൺ
- വെള്ളം : ആവശ്യത്തിന്
- കറിവേപ്പില : 2 തണ്ട്
- തേങ്ങ : 1 ചിരകിയത്
- ജീരകം : ½ സ്പൂൺ
- ഉഴുന്നു : 2 സ്പൂൺ
- വെളിച്ചെണ്ണ : 2 ടേബിൾ സ്പൂൺ
പാകം ചെയ്യുന്ന വിധം
- കാൽക്കിലോ കടല ആറുമണിക്കൂർ കുതിർത്ത് വെച്ചത് കുക്കറിൽ വേവിച്ചെടുക്കാം.
- കറിയിലേക്ക് ചേർക്കാനുള്ള ചേന വേവിച്ചെടുക്കാം. വെന്തു വരുന്ന ചേനയിലേക്ക് അരിഞ്ഞു വച്ചിരിക്കുന്ന കരിക്കായോ വെള്ളരിയും ഇട്ടുകൊടുക്കാം.
- അര ടീസ്പൂൺ മഞ്ഞൾ പൊടിയും, ഒരു സ്പൂൺ മുളകുപൊടിയും, ഒരു സ്പൂൺ കുരുമുളകുപൊടിയും ആവശ്യത്തിനു ഉപ്പും ചേർത്ത് ഇളക്കി കൊടുക്കാം.
- ഇതിലേക്ക് വേവിച്ചു വച്ചിരിക്കുന്ന കടലിട്ട് കൊടുക്കണം.
- കുറച്ചു വെള്ളവും ഒരുത്തണ്ട് കറിവേപ്പിലയും ചേർത്ത് ഇളക്കി കുറച്ചുനേരം അടച്ചു വയ്ക്കാം.
- കറിയിലേക്ക് ചേർക്കാൻ തേങ്ങ വറുത്തെടുക്കാം.
- ഒരു ചട്ടിയിലേക്ക് എണ്ണ ഒഴിച്ച് കൊടുത്ത് അര സ്പൂൺ ജീരകം രണ്ട് സ്പൂൺ ഉഴുന്ന് ചേർത്ത് വറുത്ത തേങ്ങ ചിരകിയതും ചേർത്ത് വറുത്തെടുക്കണം.
- വറുത്ത തേങ്ങയിലേക്ക് ഒരു തണ്ട് കറിവേപ്പിലയും ഇട്ട് കുറച്ച് തേങ്ങ അരച്ചെടുത്ത് വേവിച്ചുവച്ചിരിക്കുന്ന കൂട്ടിലേക്ക് ചേർത്ത് കൊടുത്ത് ഇളക്കി ബാക്കിയുള്ള തേങ്ങ വറുത്തതും ചേർത്തു കൊടുക്കാം.