മത്തി പീര
- മത്തി : 12 എണ്ണം
- വെളുത്തുള്ളി : 5 എണ്ണം
- കൊച്ചുള്ളി : 10 എണ്ണം
- ഇഞ്ചി : ചെറിയ കഷണം
- പച്ചമുളക് : 2 എണ്ണം
- കറിവേപ്പില : 2 തണ്ട്
- തേങ്ങ : 1 കപ്പ്
- മഞ്ഞൾ പൊടി : 1/4 സ്പൂൺ
- മുളകുപൊടി : 1 സ്പൂൺ
- ഉപ്പ് : പാകത്തിന്
- വെളിച്ചെണ്ണ : 2 സ്പൂൺ
- പുളി : 2 കഷണം
- വെള്ളം : 1/2 കപ്പ്
പാകം ചെയ്യുന്ന വിധം
- ഒരു മൺചട്ടിയിൽ ചെറുതായി അരിഞ്ഞ വെളുത്തുള്ളി, ഇഞ്ചി, കൊച്ചുള്ളി, കറിവേപ്പില എന്നിവ ഇടാം.
- ഇതില്ലേക്ക് മഞ്ഞൾപൊടി, മുളകുപൊടി പാകത്തിന് ഉപ്പ്, പുളി എന്നിവ ചേർത്ത് നന്നായി ഇളക്കാം.
- ഇനി തേങ്ങ ഇട്ട് കൊടുത്തതിനു ശേഷം വെള്ളവും ഒഴിച്ച് ഇളക്കി കൊടുക്കാം.
- വെട്ടി കഴുകി വച്ചിരിക്കുന്ന മത്തി കഷണങ്ങൾ ഇതിലേക്ക് ഇട്ട് ഒന്നുകൂടി ഇളക്കി അടച്ചു വേവിച്ചു എടുക്കാം.
- കുറച്ച് സമയം കഴിഞ്ഞ് അടപ്പ് തുറന്ന് ഇളക്കിയ ശേഷം വെള്ളം വറ്റിച്ചു എടുക്കാം.
- വെള്ളം വറ്റി കഴിയുമ്പോൾ വെളിച്ചെണ്ണ ഒഴിച്ച് ഇളക്കി എടുക്കാം.