കുരുമുളക് ചിക്കൻ കറി
- ചിക്കൻ : 1 kg
- കുരുമുളകുപൊടി : 2½ സ്പൂൺ
- വെളിച്ചെണ്ണ : 2 സ്പൂൺ
- ഉപ്പ് : പാകത്തിന്
- ഇഞ്ചി വെളുത്തുള്ളി : 1സ്പൂൺ
- സവാള : 2 എണ്ണം
- തക്കാളി : 1 എണ്ണം
- പച്ചമുളക് : 3 എണ്ണം
- കറിവേപ്പില : 3 തണ്ട്
- മഞ്ഞൾപ്പൊടി : ¼ സ്പൂൺ
- മല്ലിപ്പൊടി : 1 സ്പൂൺ
- പെരുംജീരകപ്പൊടി : 1 സ്പൂൺ
പാകം ചെയ്യുന്ന വിധം
- ഒരു കടായിലേക്ക് വെളിച്ചെണ്ണ ഒഴിച് ഇഞ്ചി വെളുത്തുള്ളി ചതച്ചതും ചേർത്തുകൊടുത്ത് പച്ചമണം മാറുന്നവരെ ഇളക്കി കൊടുക്കാം.
- 2 സവാള അരിഞ്ഞത് ½ സ്പൂൺ ഉപ്പ് ചേർത്ത് ഇളക്കി തക്കാളിയും പച്ചമുളകും ചേർത്ത് നന്നായി വഴറ്റി അടച്ചു വയ്ക്കാം.
- 5 മിനിറ്റ് കഴിഞ്ഞ് രണ്ടു തണ്ട് കറിവേപ്പിലയും ചേർത്ത് ഇളക്കി പൊടികൾ ചേർത്തു കൊടുക്കാം.
- ¼ സ്പൂൺ മഞ്ഞൾപൊടി,മല്ലിപ്പൊടി, പെരുംജീരകപ്പൊടി, 2 സ്പൂൺ കുരുമുളകുപൊടിയും ചേർത്ത് ചിക്കൻ ഇട്ടുകൊടുത്ത് നന്നായി ഇളക്കിപ്പെരട്ടി പാകത്തിന് ഉപ്പും ചേർത്ത് അടച്ചു വയ്ക്കാം.
- ഇടയ്ക്ക് മൂടി തുറന്ന് ഇളക്കി കൊടുക്കണം.ചിക്കൻ പാകമാകുമ്പോൾ ½ സ്പൂൺ കുരുമുളകുപൊടിയും കറിവേപ്പിലയും ചേർത്ത് കൊടുക്കാം.