ചിക്കൻ ബിരിയാണി
- ചിക്കൻ : 1 kg
- ഇഞ്ചി വലിയ പീസ്,പച്ചമുളക് 6 എണ്ണം, വെളുത്തുള്ളി 20 അല്ലി : ചതച്ചത്
- മഞ്ഞൾപ്പൊടി : ¼ സ്പൂൺ
- മുളകുപൊടി : 2 സ്പൂൺ
- മല്ലിപ്പൊടി : 1 സ്പൂൺ
- ഗരം മസാല : 1 സ്പൂൺ
- കുരുമുളകുപൊടി : ½ സ്പൂൺ
- തൈര് : 1 സ്പൂൺ
- ഉപ്പ് : പാകത്തിന്
- നാരങ്ങ : 1 എണ്ണം
- വെളിച്ചെണ്ണ : ആവശ്യത്തിന്
- കറുവപ്പട്ട : 2 കഷ്ണം
- ഏലക്ക : 5 എണ്ണം
- ഗ്രാമ്പൂ : 5 എണ്ണം
- തക്കോലം : 3/4 അല്ലി
- ചുവന്നുള്ളി : 2 എണ്ണം ചതച്ചത്
- സവോള : 6 എണ്ണം
- നെയ്യ് : 1 സ്പൂൺ
- തക്കാളി : 2 എണ്ണം
- മല്ലിയില : ചെറുതായി അരിഞ്ഞത് 1 സ്പൂൺ
ബിരിയാണി റൈസ്
- ബിരിയാണി അരി : ½ kg
- തക്കോലം : 1 എണ്ണം
- ഏലക്ക : 6 എണ്ണം
- ഗ്രാമ്പൂ : 5/8 എണ്ണം
- കറാമ്പട്ട : 3 എണ്ണം
- ഉപ്പ് : പാകത്തിന്
- വെളിച്ചെണ്ണ : ആവശ്യത്തിന്
- സവോള : 1 എണ്ണം
- നെയ്യ് : 1 സ്പൂൺ
- അണ്ടിപ്പരിപ്പ് : 50 gm
- മുന്തിരി : 50 gm
പാകം ചെയ്യുന്ന വിധം
- ബിരിയാണിക്ക് ആവശ്യമായ ചിക്കനിലേക്ക് മസാല പുരട്ടി വെക്കാം.
- മഞ്ഞൾപൊടി, ചതച്ചു വച്ചിരിക്കുന്ന പച്ചമുളക്, ഇഞ്ചി, വെളുത്തുള്ളി ഒരു സ്പൂൺ, ഒരു സ്പൂൺ മുളകുപൊടി ½ സ്പൂൺ മല്ലിപ്പൊടി, ½ സ്പൂൺ ഗരം മസാല, ½ സ്പൂൺ കുരുമുളകുപൊടി, തൈര്, ഉപ്പ്, നാരങ്ങാനീരും ചേർത്ത് പെരട്ടി ½ മണിക്കൂർ വയ്ക്കാം.
- എണ്ണ ഒരു പാനിലേക്ക് ഒഴിച്ചുകൊടുത്ത് എണ്ണ ചൂടായി കഴിയുമ്പോൾ 5 ഏലക്ക,കറുവപ്പട്ട, ഗ്രാമ്പു,തക്കോലം, ചുവന്നുള്ളി ചതിച്ചതും ചേർത്തുകൊടുത്ത് ഇളക്കി ബാക്കി വെച്ച പച്ചമുളക്, ഇഞ്ചി, വെളുത്തുള്ളി ചതച്ചതും സവോള അരിഞ്ഞതും ചേർത്ത് ഉപ്പും പാകത്തിന് നന്നായി ഇളക്കി കൊടുക്കാം.
- സവാള വാടി വന്ന് 1 സ്പൂൺ നെയ്യ ചേർത്ത് തക്കാളി അരിഞ്ഞതും ചേർത്ത് കുറച്ചു സമയം അടച്ചു വയ്ക്കണം.
- 1 സ്പൂൺ മുളകുപൊടി, മല്ലിപ്പൊടിയും ഗരംമസാലയും ചേർത്ത് ഇളക്കി ചിക്കൻ ചിക്കൻ ഇട്ടുകൊടുത്ത അടച്ചു വയ്ക്കാം.
- ചിക്കൻ പാകമായി കഴിയുമ്പോൾ മല്ലിയില ചേർത്ത് മാറ്റിവയ്ക്കാം.ബിരിയാണി അരി വേവിക്കാനായി ഒരു പാത്രത്തിലേക്ക് അരി വേവാൻ ആവശ്യമായ വെള്ളം, ഉപ്പ്, തക്കോലം,ഏലക്ക, ഗ്രാമ്പൂ,കരാമ്പട്ട,1 സ്പൂൺ എണ്ണയും ചേർത്ത് അടച്ചുവെച്ച് തിളപ്പിച്ച് കുതിർത്തി വെച്ച അരി അതിലേക്ക് ചേർത്തു വേവിക്കാം.
- വെന്ത റൈസ് ഊറ്റി മാറ്റിവയ്ക്കാം.ഇനി ബിരിയാണിയിലേക്ക് ചേർത്ത് കൊടുക്കാൻ സവാള വറുത്തുകോരി കുറച്ചു നെയ്യിൽ മുന്തിരി,അണ്ടിപ്പരിപ്പും വറുത്തുകോരി എടുക്കാം.
- ഒരു പാത്രത്തിലേക്ക് ചിക്കൻ മാറ്റി അതിന്റെ മുകളിലേക്ക് റൈസ് ഇട്ടു കൊടുത്ത് സവാള വറുത്തതും, അണ്ടിപ്പരിപ്പ്,മുന്തിരി, മല്ലിയിലയും മുകളിൽ ഇട്ടുകൊടുത്ത് വീണ്ടും മുകളിലേക്ക് റൈസ് ഇട്ടുകൊടുത്ത് ബാക്കി സവോള വറുത്തതും അണ്ടിപരുപ്പ്,മുന്തിരിയും മല്ലിയിലയും ഇട്ടുകൊടുത്ത് അടച്ച് വെച്ച് ആവി കേറ്റി എടുക്കാം.